Nederlandlingvaj   ĵurnal-artikoloj

tradukitaj en Esperanton
fare de Toon Witkam


fonto:
laNederlanda ĵurnaloNRC
http://www.nrc.nl/nieuws/2016/07/02/een-denkpauze-in-de-brexit-is-meer-dan-welkom-na-d-3022431-a1504197
tradukis ĝin (el la Nederlanda en Esperanton) Toon Witkam

Pripenstempo por Brexit tre bonvenas post la ĥaoso

NRC 2 julio 2016

 

Redaktora kolumno

 

La 'jes' por Brita eliro el la Eŭropa Unio, estis ŝoko lastsemajne[i]. Sed la politika kaj ekonomia ĥaoso kiu sekvis ĝin, plenumiĝis precize laŭ la antaŭdiroj. Malofte la Unuiĝinta Reĝlando faris tian nedirekteblan kaj neunuiĝintan impreson.

Ĉefministro David Cameron devis eksiĝi, la Brita pundo falegis, bankoj kaj asekuristoj en la City sin preparas por flankeniri al la Eŭropa kontinento. Skotlando kaj Nord-Irlando, partoj de la Unuiĝinta Reĝlando kie plimulto voĉdonis kontraŭ Brexit, kaj kie gravaj interesoj estas riskataj, jam preparas sin por secesii.

La ĥaoso ekhavis ĵaŭde[ii] novan dimension, kiam Boris Johnson, la Londona iama urbestro kaj unu de la vizaĝoj el la kampo de forirantoj[iii], anoncis ke li, je pli detala rigardado, ne volis esti kandidato por sukcedi al Cameron kiel partiestro kaj ĉefministro. Tio okazis post kiam lia samteamano kaj favorita kampanjestro, Michael Gove, justicministro, anoncis ke li mem provos sian ŝancon por la ĉefminstro-ofico.

Johnson vidas sin mem kiel viktimon de politika kaŝmurdo. Se tio veras, li ne povas pri tio esti tro mirigita: la historio de la Konservativa Partio estas plena de ĝi. Ĝis hieraŭ[iv], liaj propraj planoj estis samsignifaj.

Lia decido rezigni pri la kandidateco estas dizerto. Äœi faras evidenta ke li, malgraÅ­ ĉiu Churchilliana retoriko, ne kuraĝis konduki la landon el la  – parte de li mem kaÅ­zita –  ruinaĵo, kiam tio iĝis necesa.

Dume, la lukto por la gvidado de la partio ŝajnas esti reduktita al la demando, kiu el la kvin kandidatoj akiros la konfidon de la partio por ĝisfine intertrakti ‘exit’-on kun Bruselo. Kvankam iliaj pozicioj diferencis en la kampanjo, iĝis klare ke neniu el la kvin ŝajnas ŝati duan referendumon, eĉ se la forirantoj[v] gajnis nur marĝene kaj pli ol kvar milionoj da Britoj subskribis peticion por rajti denove voĉdoni.

 

 

Estas ankaÅ­ klare ke la nova partiestro prenos sian tempon por komenci tiujn intertraktadojn. Theresa May, la modere EÅ­ro-skeptika ministro de enlandaj aferoj, kiu malgraÅ­ tio estis por ‘Remain’[vi], ŝajnas kredinda kandidato por gvidi la dividitan partion. MalgraÅ­ admonoj de el Bruselo por urĝiĝi, ŝi diris ĉiuokaze ne antaÅ­ januaro 2017 apelacii pri artikolo 50, kiu markas la formalan komencon de la intertraktadoj.

Tempo por pripensado, klara tempoplano kaj nova gvidado en Londono signifas espereble ke la ripozo nun iagrade revenas. Tio tre necesas. Ankaŭ por Bruselo estas utile scii kiujn ĝi alfrontos kaj kiuj paŝoj estas atendeblaj.

Ĉiuj koncernataj personoj devus en la venonta tempo kuraĝe observi decidajn demandojn. Je la Brita flanko temas plej unue pri la neakordigebleco inter fermitaj limoj kaj plenvalora partopreno en komuna merkato, la iluzio kiun la ‘Leave’-kampo[vii] bedaÅ­rinde povis kredigi al la popolo.

Dum la intertraktadoj, la ĉefministro devas reprezenti la partigitan reĝlandon kun kompreno por la interesoj de la preskaÅ­ same granda ‘Remain’-kampo[viii]. Prefere post kiam unue mandato estos petita al la popolo, pere de ĝenerala voĉdonado. Ke tiu voĉdonado tiam samsignifos kiel dua referendumo estas neevitebla.

 

 

 

[i] lastsemajne = la semajno en kiu la Referendumo okazis, la 23-an de junio 2016

[ii] ĵaŭde = 30 junio 2016

[iii] forirantoj = Britoj kiuj volas ke Britio foriru el la EU

[iv] hieraÅ­ = 1 julio 2016

[v] forirantoj = Britoj kiuj volas ke Britio foriru el la EU

[vi] ‘Remain’ = resti (en la EU)

[vii] la ‘Leave’-kampo = la ‘foriri’-kampo, la Britoj kiuj volas ke Britio foriru el la EU

[viii] la ‘Remain’-kampo = la ‘resti’-kampo, la Britoj kiuj volas ke Britio restu en la EU

Ĉiuj artikoloj   |  




©marto 2024 Toon Witkam | Powered by RosyGrass